台灣網民嚴選難食日本料理 蕎麥麵大阪燒都入圍

日本係美食天堂，好多人笑言「日本隨街搵間餐廳都好好食」；的確日本人對食嘅要求極高，因此咁多美食出現。不過俗語有話一處山頭一處人，就算幾多美食都好，都有機會唔係人人都啱食。早前台灣旅遊論壇有人就搞選舉，話最覺得唔好食嘅日本傳統食物。當中得票極高嘅包括蕎麥麵，好多網友都贊成，話覺得「立痴痴」、「麵口感奇怪」、「無味及太清」；另外一款多人投嘅就係「大阪燒」，有人話「唔止大阪燒仲有廣島燒，燒餅類都不好吃」、「十分多油」、「沒有嚼勁」。其他比較多人擇嘅仲有「章魚小丸子」、「餃子」等等。以上講嘅都台灣網民嘅感覺，對於香港人而言可能好唔同，因為台灣都咁多好嘢食，佢哋自然有自己準則；至於香港人喇喎，平日一有少少新嘢食都可以排成個鐘去搶，就知香港人平日喺香港係幾無啖好食啦，所以肯定全部日本嘢對於大家嚟講都大大美食！

唔少台灣人都唔鍾意食蕎麥麵Soba，覺得唔好味。

大阪燒係另一被台灣人嫌棄嘅食物。

章魚小丸子係唔少香港人至愛，估唔到台灣人唔Like。

相關文章：

日本行山攻略：最適合登山旅行的日本名山

全球最繁忙航線竟為香港至台北？

5個不可不知的日本傳統壽司店禮儀

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！