【父親節Buffet】早鳥優惠折後唔洗$500!抵食父親節自助餐推介
雖然好多人都話,媽媽要需要被氹的Level比爸爸高出好幾倍,但一年一度的父親節又就快嚟,大家點都要對呢位「經濟支柱」有少少表示吧!坊間已有不少以父親節作招徠的自助餐,有的以美酒為主題,有的更送爸爸護膚品牌禮品等,更重要係大部份都有早鳥優惠,折後每位都唔洗$500,重唔快快預訂?!
愛酒爸爸:以美酒入饌 早鳥優惠$485起
如果爸爸是好酒之徒的話,帝京酒店花月庭的「My Super Dad 超強爸爸父親節自助晚餐」就啱晒佢。自助餐以多款美酒入饌,包括意大利汽酒煎比吉打魚柳、西班牙雪梨酒羊肚菌燴牛頰肉及酒糟五香扣腩仔肉等;當然亦有爸爸最愛的肉食,好似燒帶骨肉眼牛扒及露絲瑪莉香蒜燒羊髀,定必令爸爸大飽口福!6月15日及16日惠顧,每位爸爸可獲贈意大利護膚品牌Borghese禮品換領券乙張。
36安士帶骨肉眼牛扒配紅酒燒汁
西班牙雪梨酒羊肚菌燴牛頰肉
即開生蠔
My Super Dad 超強爸爸父親節自助晚餐
地址:九龍太子道西193號帝京酒店二樓花月庭
電話:2622 6154
價錢:首段5pm-8pm 成人HK$668 小童HK$428,次段8:30pm-11pm 成人HK$668 小童HK$428
備註:首100客人預訂及繳付訂金可享以下優惠淨價:首段 成人HK$495 小童HK$325; 次段 成人HK$485 小童HK$315
慳家爸爸:每位$370 送原隻鮑魚瑤柱花膠鍋
想食得滋補有另一選擇,Park café父親節自助晚餐以海、陸、空的食材為主題,有鵝肝醬鮑魚海鮮薯蓉釀海螺、牛肝菌釀芝士美國雞胸卷、百樂海鮮粥底蒸鍋等,每位有一客原隻鮑魚瑤柱花膠一品鍋。此外亦有多款醉人的菜式,如重慶口水雞、古法燴牛尾、龍蝦汁海鮮炒年糕等。當然少不了生蠔海鮮拼盤,包括紐西蘭生蠔、加拿大鱈場蟹腳、紐西蘭藍青口、花螺、海蝦和白蜆。係6月12日或之前預訂6月15日或16日的父親節自助晚餐,並每位繳付每位$100之訂金,即可享7折優惠,折後每位$370,係四間之中最抵食!
即煮花膠原隻鮑魚一品鍋
酥皮芝士菠菜焗黑豚肉
綠茶梳乎厘班戟
「幸福爸爸」父親節自助餐
地址:尖沙咀漆咸道南61-65 號香港百樂酒店4樓Park café
電話:2731 2168
價錢:6:30pm – 9:30pm 成人$528 小童$348
備註:提早預訂優惠不可與其他優惠同時使用,所有價目另設加一服務費,並以原價計算
貪靚爸爸:以燕窩、黑松露、龍蝦入饌
媽媽要養顏,其實好多爸爸都一樣貪靚。富豪九龍酒店雅廊咖啡室於父親節當日6月16日推出「燕窩.黑松露」龍蝦自助晚餐,提供一系列燕窩及黑松露主題菜式,如阿拉斯加蟹棒燕窩壽司卷、燕窩海鮮批、黑松露鵝肝慕絲、黑松露帶子壽司等,比爸爸進一進補。另回本海鮮有開邊凍龍蝦、長腳蟹、麵包蟹等。每位父親可獲威靈頓牛柳配精選啤酒乙份。以指定信用卡惠顧,可享65折優惠,折後每位都只係四百幾。
威靈頓牛柳配精選啤酒
酥皮三文魚配松露忌廉汁
特色燕窩甜品
父親節「燕窩.黑松露」龍蝦自助晚餐
地址:香港尖沙咀麼地道71號富豪九龍酒店地庫1樓
電話:2313 8718
價錢: 6:30pm–9:30pm 成人$648,小童$278
備註:以指定信用卡惠顧,可享65折優惠
肉食爸爸:供應澳式美食 網上預付享7折
肉食爸爸的話,可以試試以澳洲為主題的自助晚餐,多款澳式美食有香草烤澳洲全羊配手抓飯、扒澳洲牛柳配雞油菌、燒牛臀肉牛排、香草檸檬烤原條海鱸魚、煎澳洲帶子配紅菜頭慕絲,爸爸們實滿足。另有七款回本凍海鮮,包括兩款即開澳洲生蠔、松葉蟹腳,逢星期六、日及公眾假期更有波士頓龍蝦。6月16日惠顧則可贈送日本京都和牛配佛跳牆一客。而家網上預付每時段首100位可享7折優惠,折後每位成人$438.4。
扒澳洲牛柳配雞油菌
輕煎澳洲帶子配紅菜頭慕絲
日本京都和牛配佛跳牆
尋味「澳」妙自助晚餐
地址:香港將軍澳唐德街3號香港九龍東皇冠假日酒店1樓尚廚
電話:3983 0688
價錢:首輪5:50pm-7:50pm 原價 成人 $602.8 長者 $492.8 小童 $382.8;次輪: 8:15pm-10:15pm 成人 $602.8 長者 $492.8 小童 $382.8
備註:6月16日父親節網上預付每時段首100位可享7折優惠,網上商店: http://bit.ly/TCT_FathersDay_2019
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!